<< Home Page | Rom. Nil. Rhythmicae Index

Aesop's Fables: Romuli Nilantis Fabulae Rhythmicae

Book 1.9: de lupo ossa corrodente (p. 720 in Hervieux; Perry 156)

Quondam Lupus inprobus     ossa corrodebat.
Unum suis dentibus     transversum figebat.
De gnaris sollicite     medelam quaerebat,
Sed qui solamen ferret non inveniebat.

Tandem Grus exquiritur     ut extraheretur
Os per longitudinem     rostri, quod expletur.
Grus deberi praemium     sibi tunc fatetur,
Cum Lupus inmensum post morbum sanus habetur.

Cui Lupus : Ingratus es,     Grus, si quid petisti.
Nonne meis faucibus     caput extulisti?
Et Grus : Heus! iniuria,     qua me decepisti!
Et Lupus : Hoc habeas, quia nil aliud meruisti.

Moralitas.
Hic nobis innuitur     fidei colonis,
Ne dicetis inpios     nostris, inquam, bonis.
Nam cernis per regulam     recte rationis,
Quod perdis quicquid in fracto nase reponis.

Version in Wright's Latin Stories:

IX. DE LUPO OSSA CORODENTE.

QUONDAM lupus improbus ossa corrodebat;
Unum suis dentibus transversum figebat,
Qui girans sollicite medelam quaerebat,
Sed qui solamen feriet non inveniebat.
Tandem grus exquiritur ut extraheretur
Os per longitudinem rostri, quod expletur:
Grus deberi praemium sibi tune fatetur,
Cum lupus immensum post morbum sanus habetur.
Cui lupus, "Ingratus es, grus, si quid petisti:
Nonne meis faucibus caput extulisti?"
Et grus, "Heus! Injuria qua me decipisti !"
Et lupus, "Hoc habeas, quia nil aliud meruisti."
MORALITAS.
Hic vobis innuiter fidei colonis,
Ne dicetis impios nostris inquam bonis;
Nam cernes per regulam rectae rationis,
Quod perdis quicquid in fracto vase reponis.

 


The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 714-755, and also the readings in Thomas Wright's A Selection of Latin Stories, from Manuscripts of the Thirteenth and Fourteenth Centuries. London: 1842 (online).