Aesop's Fables: Romuli Nilantis Fabulae Rhythmicae
Book 1.7: de vacca et leone (p. 718 in Hervieux; Perry
339)
Vacca, Caper et Ovis dudum sociari
Cum Leone coeperant et simul venari.
Leo cervum prendidit, quem iussit frustrari
Quattuor in partes et partem cuique parari.
Sed, dum ferae debiles non possint parare
Partes sibi traditas, Leo sullevare
coepit omnes pariter, et sic vendicare
Particulam primam, reliquas tres sic recitare:
"Mihi iure virium secunda donetur;
Quia plus cucurreram tertia debetur;
Si quis ad particulam quartam iudicetur,
Hic mihi mortalis inimicus semper habetur."
Moralitas.
Tunc trementes bestiae totas dimiserunt
Leoni particulas, et sic erraverunt,
Quando fortiori se socios fecerunt.
Temporibus nostris plures hac fraude ruerunt.
Version in Wright's Latin
Stories:
VII. DE VACCA ET LEONE.
Vacca, caper, et ovis, dudum sociari,
Cum leone coeperunt, et simul venari:
Leo cervum prendidit, quem jussit frustrari
Quatuor in partes, et partem cuique parari.
Sed dum fere debiles non possint parare
Partes sibi traditas, leo sullevare
Coepit omnes pariter, et sic vendicare
Particulam primam, reliquas tres sic recitare.
"Mihi jure virium secunda donetur:
Quia plus cucurreram, tertia debetur;
Si quis ad particulam quartam judicetur,
Hic mihi mortalis inimicus semper habetur."
MORALITAS.
Tunc trementes bestiƦ totas demiserunt
Leone pariculas, et sic erraverunt
Quondo fortiori se socios fecerunt:
Temporibus nostris plures hac fraude ruerunt.
The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 714-755,
and also the readings in Thomas Wright's A
Selection of Latin Stories, from Manuscripts of the Thirteenth and Fourteenth
Centuries. London: 1842 (online).
|