Aesop's Fables: Romuli Nilantis Fabulae Rhythmicae
Book 1.13: de aquila et testudine (p. 723 in Hervieux; Perry
490)
Aquila, rex avium, nuper avolavit
Trans marina flumina, qui praedam captavit
Et maris Testudinem ferox asportavit;
Sed Testudo tremens infra concham latitavit.
Aquila Testudinem vorare volebat,
Sed concham nullatenus frangere valebat.
De prope famelica Cornix accedebat,
Dicens quod praedam pretiosam valde gerebat.
Et respondit Aquila: Nil appretiatur
Praeda quam sic praedicas, nam concha vallatur.
Respondit Cornicula: Si pars mihi datur,
Consilium capies, quo statim concha teratur.
Totis, inquit, viribus nitere volare,
Et quo locum poteris petrosum spectare,
Concham terrae proiice, quam cum mox crepare
Videris, insiste praedam pro velle vorare.
Moralitas.
Hic consiliarios notat pravitatis,
Qui pervertunt animos plenos pietatis.
Saepe bona facere boni vellent gratis,
Nec permittuntur pro consiliis sceleratis.
Version in Wright's Latin
Stories:
XIII. DE AQUILA ET TESTUDINE.
AQUILA rex avium nuper avolavit
Transmarina flumina, qui praedam captavit,
Et maris testudinem ferox asportavit ;
Sed testudo tremens infra concham latitavit.
Aquila testudinem vorare volebat,
Sed concham nullatenus frangere valebat ;
De prope famelica cornix accedebat,
Dicens quod praedam preciosam valde gerebat.
Et respondit aquila, " Nil appreciatur
Praeda quam sic praeicas, nam concha vallatur."
Respondit cornicula, " Si pars mihi datur,
Consilim capies quo statim concha teratur."
" Totis," inquit, " viribus nitere volare,
Et quo locum poteris petrosum spectare ;
Concham terrae projice, quam cum mox crepare
Videris, insiste praedam pro velle vorare."
MORALITAS.
Hic consiliarios notat pravitatis,
Qui pervertunt animos plenos pietatis :
Saepe bona facere boni vellent gratis,
Non permittuntur pro consiliis sceleratis.
The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 714-755,
and also the readings in Thomas Wright's A
Selection of Latin Stories, from Manuscripts of the Thirteenth and Fourteenth
Centuries. London: 1842 (online).
|