Aesop's Fables: Romuli Nilantis Fabulae Metricae
6. de leone rege et bubalo et lupo venantibus (p. 658 in Hervieux;
Perry 339)
Partyre misero cum nec est utile forti.
Biblorum referunt ueterum nunc dicta secerna,
Quod leo cunctorum regnaret regna ferarum,
Bubalus atque comes fulgebat corniger altus;
Illius enque lupus pactis tunc uillicus arsit.
Phetontis fantur uenari lumine certo
Alipedes miris ceruos aut cornibus altos,
Capriolas saltu timidis uel cruribus aptas;
Per saltusque fugant ceruum silue nemorose.
Ast in trina secant currentem frusta necantes.
Hyrsutisque lupus perquirens faucibus infit :
Partiri debent partes nos qualiter inter?
Bubalus ast inquit, respondens famine firmo,
Regnantis recte regis hoc uelle teneri.
Ast leo tunc duris dominans iam rictibus affert :
Prima cadit mihi, quid noto numine regno;
Altera, quid calidis laborando cruribus arsi;
Possessis remanet pars ambis tercia sola :
Non equum sibi me sciat iratumque per euum,
Si quisquis digitis talem nunc tangere mauult.
Tangere non ausi uadunt tunc frustra dolentes.
Insontes stolidis cum sic miserique superbis
Patiri nusquam debent per secula uite.
The
Latin text shown here is taken from Léopold Hervieux, Les
fabulistes latins depuis le siècle d'Auguste jusqu'à la. fin
du Moyen-Age (1893-1899). Volume 2.: Phèdre
et ses anciens imitateurs directs et indirects, pp. 654-712. |
