<< Home Page | Rom. Nil. Metricae Index

Aesop's Fables: Romuli Nilantis Fabulae Metricae

36. de pavone et luscinia (p. 702 in Hervieux; Perry 509)

Vescere tu donis tibi que concesserat autor.
Priscus rumigeris depromit sermo relatis,
Quod, tristi indignans dudum iam pectore, pauo
Iunoni, rerum domine, dixisse refertur :
O soror, o coniunx cuntorum iure creantis,
Turbatis cogitans tristis tam cordibus exsto,
Quod melius dumis cantans luscinia densos
Argonico superat melice me carmine uocis.
Quapropter cuneis uarie derideor ale.
Talia dicta refert cui tunc saturnia iuno :
Ecce satis tibi iam, uolucrum pulcherrima forma,
Pictus auem superas cunctam comptamque colore;
Aurea cunctigenis splendent ceu floribus arua
Aut spere nitidis peplum uergentis et astris,
Vel cuntis gemma instaret si picta metallis,
Haut secus aurifero cunctoque colore corusco,
Rite tuum tegmen reddens spectacula mundo,
Dulcia pennigere fulget per tempora uite,
Letifer ac finis postquam pateficis urnam,
Neque tuas tanget fibras pulpasque putredo.
Infert cui tristis suspirans talia pauo :
Millenus color en quid nunc mihi proficit almus,
Simphonicas modulans cantatrix crusmatis odas,
Dulcisonis superat quod me luscinia bombis?
Cui iouis ethereis soror asstans sedibus inquit :
Non cernis uolucrum tanti ceu lumen honoris
Possideas, solum quadrus te laudat et orbis,
Astque tenet nil in bombos luscinia lingue
Atque tuum uoces pectus sibi fascinat altas.
Sic diues durus cogitans ac spectat auarus
Maxima queque sua, ut uisu sibi parua uidentus :
[P]arua sui uicini magna ac grandia cerpnit.