<< Home Page | Rom. Nil. Metricae Index

Aesop's Fables: Romuli Nilantis Fabulae Metricae

15. de leone a mure suscitato (p. 668 in Hervieux; Perry 150)

Insontem aut ledat non firmum numine nemo
Librorum nobis dictat nunc sermo uetustus.
Muribus incaute ludens agrestibus unus,
Quod mus somniferum euigilat lessitque leonem,
Suscitat; ac lecto surgens leo turbidus arsit,
Ac tremulum sequitur murem; tunc felle refertur.
Ignifero ueniam suplex captusque leone
Atque dari poscit mus, tunc sibi corde redactus,
Testificansque suo crimen non uelle peregit,
Ac sceleris seriem fatur tunc ordine recto;
Ast intermisit os cepit cum ludere mures,
In cuius incurrit lecto stratoque lenois.
Tunc leo percogitans scrutatus mente sacerna
Quid muri faceret clamanti uocibus ergris,
Nec fame laudes, orto si traderet, essent,
Pomposa aut uirtus martis uel gloria nulla,
Horrida setque forent sibi forti obprobria regi,
Si muri stigeam misero patefecerit urnam,
Agnoscit demum culpe peccamina muri :
Concessit se antris tremulo aut tunc abdere siluis.
Perteritus ac trepidans mus sic currebat ad arua.
Ast leo, post soles paucas, idem in cuius altam
Discipula[m] (sic) quandam currens, iam calle subintrat.
Per puteum humanam se cernens ante retentum,
Horrisonis auidi clamat tunc fructibus oris,
Auxilium indomitis poscens ex cetibus arui.
Pernicibusque sonum tremulum ut mus
Predictus, cupidis concurrit gressibus ante
Agmina siluosi nemoris saltusque ferima,
Infausti ut sciret fuerat que causa leoni.
Cum leo currentem murrem passibus imis.
Pacificisque rogans conspexit uocibus illum,
Narrauitque sui olli iam causa capiendi.
Tunc mus fraternis consortans faucibus infit :
Nil est quod timeas, o rex presulque ferarum;
En liber ca(s)su fueris hoc corporis omni,
Par munusque tibi constat me reddere digno,
Prestabasque mee luci quod tempore prisco,
Inmemor atque tui dudum non sum benefacti.
Finitis artes cepit mus querere dictis
Cunctas, que possunt illum dissoluere uindo.
Per lucos currit, saltus ad uaria lustra,
Ac mures uocitat caros turmasque ferinas,
Auxilium poterunt capto si ferri leoni.
Tunc leoni.......... mures ac carpere terram,
Dentibus atque lacum replentes unguibus imum,
Ingeniis artem ac laxantes roborem miram,
Quam indigene patrarunt, cum turbaque ferarum
Ceperunt; captum soluunt sic arte leonem,
Cogunt ac laxum....... montibus altis,
Ac grates muri redit per munera lingue.
Despiceat nullus paruum sic corpore fortis;
Ligna refert meritis facti nam docta.........


The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 654-712.