<< Home Page | Rom. Ang. Index

Aesop's Fables: Romulus Anglicus

83. de asino et leone (p. 622 in Hervieux; Perry 151).

Asinus, dum exiret ad pascua, obvium habuit Leonem, quem prior salutavit ipse hoc modo : Salve, care frater. Cui Leo respondit : Miror qua audacia me consanguineum tuum nominare presumas, cum nec forma nec fortitudine michi possi equari. Respondit Asinus : Tu tibi inaniter usurpas quod de te solo bestie et fere pavorem habeant. Sed veni mecum in proximum montem, et ostendam tibi quod eciam de me timorem habebunt. Sequitur itaque Leo Asinum in montem, circa quem maior multitudo bestiarum et ferarum convenerat, ubi consistens Azinus (sic) magnum et terribilem vocem emisit. Ad cuius sonum omnes bestie ille nimis exterite diffugiunt, quia tam ineptam et terribilem vocem numquam audierant, nec desistunt a fuga, quamdiu eum vident et audiunt. Quod ut vidit Ainus, dixit Leoni : Animadverte nunc quod et me timent et fugiunt bestie. Cui respondit Leo : Non miror quod terres bestias, que te non noverunt. Que, si te nossent sicut ego, non utique te timerent, sicut nec ego te timeo.
Moralitas. Hec fabula monet illos derideri, qui, cum viribus nil facere possunt, inanibus verbis se putant esse terribiles.


The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 564-652.