Aesop's Fables: Romulus Anglicus
84. de leone et vulpe (p. 622 in Hervieux; Perry
142).
Leo, venandi labore fatigatus, languorem finxit, et in latebris suis
in lecto egritudinis se deposuit. Tactus ergo desiderio recencium carnium,
bestias quas devorare voluit ad se visitandum precipit intrare. Venit
et Vulpes non vocata, et ut ipsa dominum visitaret infirmum. Que, considerans
multas bestias ingressas fuisse et nullam regressam, resedit foris. Leo
itaque, videns eam de introitu dubitare, ipsam quare non accederet interrogavit.
Que statim respondit : Quia vestigia terrent me, omnia intus spectancia
et nulla retrorsum.
Moralitas. Bonum est alterius dampno instrui et aliena pericula habere
documenta salutis, quia facile est intrare curias prinicpum et regum,
sed non tam facile ab illis exire.
The
Latin text shown here is taken from Léopold Hervieux, Les
fabulistes latins depuis le siècle d'Auguste jusqu'à la.
fin du Moyen-Age (1893-1899). Volume 2.: Phèdre
et ses anciens imitateurs directs et indirects, pp. 564-652. |