Aesop's Fables: Romulus Anglicus
71. de milvo (p. 612 in Hervieux; Perry
324).
Milvus cepit gravi morbo languescere, et habuit nidum in loco, ubi vicinum
erat templum, et in templo ydolum. Rogavit ergo Matrem suam, ut accederet
ad templum et supplices oraciones pro ipso coram ydolo porrigeret, si
forte ipso miserante de egritudine posset habere remedium. Cui respondit
Mater : Ut quid me cogis Deos inaniter prece sollicitare? Quam misericordiam
putas nos erga iustissimos deos invenire posse, quorum templum et ymagines
sepe fedavimus?
Moralitas. Stultorum est ab illo graciam exspectare et misericordiam,
quem sepe iniuriis leserint et offensionibus.
The
Latin text shown here is taken from Léopold Hervieux, Les
fabulistes latins depuis le siècle d'Auguste jusqu'à la.
fin du Moyen-Age (1893-1899). Volume 2.: Phèdre
et ses anciens imitateurs directs et indirects, pp. 564-652. |