<< Home Page | Rom. Ang. Index

Aesop's Fables: Romulus Anglicus

65. de duobus lupis (p. 610 in Hervieux; Perry).

Accidit aliquando, quod duo Lupi sibi invicem occurreunt, et, confabulantes, de hoc ceperunt agere inter se, quod homines naturaliter Lupos odiunt, et eos inclamant, etiam cum nichil mali eis facere intendunt. Et dixit unus ad alterum : Homines numquam viderunt nos aliquid boni facere, sed si semel viderint nos benefacere, credent deinceps similiter nos velle facere. Respondit alter : Quid boni poterimus facere, ut hoc exemplo bona de nobis sperentur? Alter dixit : Exeamus foras de hoc nemore, et quia, in labore agrorum sunt homines, adiuvmus eos manipulos colligere. Sic ergo egressi de silva in campum venerunt, et collegerunt manipulos, sicut condixerant. Nec mora : statim ut viderunt homines Lupos in agro, cum clamore valido sunt eos insecuti. Ammirati sunt Lupi et dixerunt : Quid sibi vult hoc quod sic nos inclamant isti, cum, non malum, sed bonum ipsorum moliamur? Redeamus ergo, ait alter, et sicut consuevimus agamus. Sive enim bonum, sive malum fecerimus, homines semper habebunt nos exosos.
Moralitas. Sic enim de malis hominibus : cum expectatam mercedem et favorem non receperunt, statim a bono opere torpescunt.


The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 564-652.