Aesop's Fables: Romulus Anglicus
64. de ape et musca (p. 609 in Hervieux; Perry).
Apis et Musca contendebant ad invicem que earum esset potencior et dicior,
et dixit Musca : Cum tu et tui similes multo labore et ingenio mel ex
floribus collegeritis, et in celulis vestris, quas item mirifice construitis,
toto anno collocaveritis, homo in momento unius diei totum laborem vestrum
sibi usurpa(m)[t], et, quod gravius est, vos ipsas interficit. Et ego
et mei similes postea de labore vestro comedimus. Et vos videtis quod
ego, si michi placet, iuxta regem sedeo, vel, si magis voluero, super
caput ipsius sublimis existo. Sed vos, si veneritis in conspectu[m] regis
vel ei appropinquare volueritis, continuo inhoneste repellemini. Respondit
Apis : Gloriam tuam, quia vana est, audire non possum, ; sed hoc te volo
scire, quia, quanto te in alciori loco videro, tanto te viliorem habeo.
Moralitas. Merito fedus et sordidus homo, ubicumque fuerit, quantiscumque
diviciis et honoribus splenduerit, semper tamen vilis habendus erit.
The
Latin text shown here is taken from Léopold Hervieux, Les
fabulistes latins depuis le siècle d'Auguste jusqu'à la.
fin du Moyen-Age (1893-1899). Volume 2.: Phèdre
et ses anciens imitateurs directs et indirects, pp. 564-652. |