<< Home Page | Rom. Ang. Index

Aesop's Fables: Romulus Anglicus

63. de rustico et bove (p. 609 in Hervieux; Perry).

Rusticus quidam Bovi suo iugum imposuit, et in vehiculo fimum evexit. Qui Bovem circa letera (sic pro latera) acuto stimulo monuit, et grave illi onus ad trahendum adhibuit. Conversus igitur, Bos Domino suo cepit improperare quanta illi fecisset servicia, et quantum sepe in excolendis agris suis sudaverit, et ait : Ego tuos labores frequenter adiuvi, ego rura tua a iuventute mea utiliter excolui, et tu me modo compellis ut has inmundicias laboriose educam. Respondit Homo : Interrogo te quis istum fimum congessit. Bos ait : Congessi ego, ego illum pedibus conculcavi. Propterea, inquit Dominus, quia fetiditatem congessisti, non te pigeat eam laboriose extrahere.
Moralitas. Sic nequam servus, eum dominus suus in eo aliqua punit et corripit, ipse in dominum culpam refundit, et ei magna servicia sua improperat.

The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 564-652.