Aesop's Fables: Romulus Anglicus
49. de lupo et corvo (p. 598 in Hervieux; Perry).
Lupus vidit aliquando Corvum super Arietem sedentem, graviterque suspirans,
talia locutus est : Corvus iste beatus est et felici hora natus, quia,
ubicumque sedeat, quitquid dicat, quitquid faciat, non est qui ei male
loquatur. Michi autem si talis daretur sedes, omnes qui viderent, magnis
in me vocibus clamitarent, et quasi ad salutem Arietis fugare me properarent.
Moralitas. Sic iniquus quilibet aliene semper invidet felicitati, et,
licet proprie conscius sit perversitatis, dolet tamen, quod aliis plus
creditur quam sibi.
The
Latin text shown here is taken from Léopold Hervieux, Les
fabulistes latins depuis le siècle d'Auguste jusqu'à la.
fin du Moyen-Age (1893-1899). Volume 2.: Phèdre
et ses anciens imitateurs directs et indirects, pp. 564-652. |