Aesop's Fables and Other Parables: Odo of Cheriton
69. DE CANE ET ASINO ET DOMINO SUO.
Perry 91
Contra ingratum seruitium.
Quidam Paterfamilias habuit Canes, qui, quando domum de negociis ueniebat,
ap[p]laudebant ei, de pedibus et rostro ipsum tangentes. Asinus hoc uidens
penes se cogitauit: Ita debere[m] domino meo applaudere. Semel rediit
dominus de negotio; occurrit ei Asinus; uolens ei applaudere, pedes anteriores
erexit et dominum suum dure in facie, pectore, percussit, et dominus iratus
fecit Asinum fere usque ad mortem fustigare et in stabulum detrudi.
Sic plerique uolunt assumere officium quod nesciunt tractare. Sicut
quidam uolunt esse sacerdotes, archidiaconi, episcopi, et tamen sunt asini
ad liram, asini ad officium, quia nesciunt cantare, legere, predicare;
im[m]o Dominum, quantum in ipsis est, in facie peruersis operibus percuciunt.
Sed Dominus iratus faciet tales asinos fustigari, in carcere[m] gehenne
perpetuo detrudi.
 The
Latin text of Odo shown here is taken from Léopold Hervieux, Les fabulistes
latins depuis le siècle d'Auguste jusqu'à la. fin du Moyen-Age (1893-1899).
There is a delightful English translation of Odo by John Jacobs, which is still
in print. It's a lovely book!
|
