<< Home Page | Odo Index

Aesop's Fables and Other Parables: Odo of Cheriton

34. DE PULLO GALLINE ET MILVO.
Perry 601

Applicatur hiis qui non audiunt Deum uocantem.
Gallina frequenter colligit pullos sub ala sua, precipue contra Miluum. Venit semel Miluus uolitans super pullos suos, et illa uocauit eos. Venerunt sub alas, excepto uno qui inuenit uermiculum et picauit super ipsum ut comederet. Interim uenit miluus, et illum pullum rapuit.
Sic Dominus uocat nos, ut fugiendo peccata ad alas sue protectionis fugiamus. Set plerique, uolante Diabolo, ad Christum non fugiunt, sed uerimulco peccati adherent, uel meretreci, uel ebrietati, uel cupiditati. Et uenit miluus, id est Diabolus, et rapit talem pullum stultum. De quo Iob [24.20]: Dulcedo eius uermis, quod impio nihil tantum sapit quantum ver(i)mis peccati. Sed fugiamus ad alas crucifixi, de ipso cogitando, ipsi compaciendo, ipsum imitando et salui erimus; quod nobis prestare et cetera.


The Latin text of Odo shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). There is a delightful English translation of Odo by John Jacobs, which is still in print. It's a lovely book!