Aesop's Fables and Other Parables: Odo of Cheriton
35. DE CONVIVIO LEONIS ET CATTI ET ALI[OR]UM.
Perry 602
Contra uiuentes immunde.
Contigit quod animalia inuitata sunt a Leone ad magnum prandium. Fuit
inuitatus Murilegus. Querebat Leo quid libencius com(m)ederet, uolens
singulis satisfacere. Et ait: Rattos et mures. Cogitauit Leo [ut], nisi
omnes haberent de hoc ferculo, esset uilania. Tandem facit uenire ferculum
generale de ratis, et Catus optime com(m)edit. Alii murmurauerunt, dicentes:
Fi, fi! quid apponitur nobis? Et totum prandium propter hoc maculatum
est.
Sic plerique faciunt magnum conuiuium. Tandem sunt ibi quidam catti;
nihil placet eis nisi habeant inmundicias ebrietatis, et gratia illorum
conuiuatorum omnes tam uolentes quam nolentes retinet usque ad noctem,
ut omnes possint inebriare, uentrem implere potu et animam Diabulo (sic).
The
Latin text of Odo shown here is taken from Léopold Hervieux, Les fabulistes
latins depuis le siècle d'Auguste jusqu'à la. fin du Moyen-Age (1893-1899).
There is a delightful English translation of Odo by John Jacobs, which is still
in print. It's a lovely book!
|