Aesop's Fables: Avianus
#18. de quattuor iuvencis et leone. (Perry
372)
quattuor immensis quondam per prata iuvencis
fertur amicitiae tanta fuisse fides
ut simul emissos nullus divelleret error
rursus et e pastu turba rediret amans,
hos quoque collatis inter se cornibus ingens
dicitur in silvis pertimuisse leo,
dum metus oblatam prohibet temptare rapinam,
et coniuratos horret adire boves.
+sed+ quamvis audax factisque immanior esset,
tantorum solus uiribus impar erat.
protinus aggreditur pravis insistcre verbis,
collisum cupiens dissociare pecus.
sic postquam dictis animos disiunxit acerbis,
invasit miserum diripuitque gregem.
tunc quidam ex illis «vitam servare quietam
qui cupit, ex nostra discere morte potest.
Neve cito admotas verbis fallacibus aures
impleat, aut veterem deserat ante fidem.»
 Latin text from Latin
Library (Ad Fontes), based on Léopold Hervieux, Les
fabulistes latins depuis le siècle d'Auguste jusqu'à la. fin
du Moyen-Age (1893-1899); supplemented by Latin text
at Bibliotheca
Augustana. Avianus is included in the Loeb volume for Minor Latin
Poets,
vol. 2, with the Latin text and a facing English translation.
|
