Aesop's Fables: Aphthonius
Aphthonius 26
= Perry 352
Μῦθος ὁ τῶν μυῶν παραινῶν στέργειν
τὰ μέτρια.
Μῦς ἀρουραῖος ἀστικῷ γίνεται
φίλος μυί, καὶ τὴν φιλίαν πιστούμενος,
πρῶτος εἰς ἀγρὸν τὸν ἀστικὸν παρελάμβανε
καὶ ξενίαν αὐτῷ παρετίθει καὶ τράπεζαν,
ἃ φέρειν οἶδε τοῖς ἐνοικοῦσιν ἀγρόν.
ἀμειβόμενος δὲ τὴν ξενίαν ὁ ἀστικός,
εἰς ἄστυ τὸν ἀρουραῖον ἐκόμιζε, καὶ
εἰς ἀνδρὸς εὐπόρου παρελάμβανεν οἶκον:
ὡς δὲ τῶν ὄντων ὥρμα προσάπετεσθαι,
προσιών τις ἀνέκοπτε, καὶ τοσαυτάκις
τῆς ἐν τοῖς ὄψοις ἀπηλαύνοντο πείρας,
ὁσάκις ἐπειρῶντο μεταλαμβάνειν, καὶ
τελευταῖον ὁ ἀρουραῖος: << ἄπειμι
- ἔφη - τὴν ἐν ἀγροῖς προτιμῶν μετριότητα
τῆς ἐν ἄστει τρυφῆς. >>
Οὕτως οἱ μέτρια κτώμενοι καὶ
τῶν πλουτούντων εἰσὶν αἱρετώτεροι.
F. Sbordone, Rivista Indo-Greco-Italica, 16 (1932), pp. 47-57. |