Genesis. Dina et Sychem.
34:1 egressa est autem Dina filia Liae ut videret
mulieres regionis illius
34:2 quam cum vidisset Sychem filius Emor Evei
princeps terrae illius adamavit et rapuit
et dormivit cum illa vi opprimens virginem
34:3 et conglutinata est anima eius cum ea tristemque
blanditiis delinivit
34:4 et pergens ad Emor patrem suum accipe
mihi inquit puellam
hanc coniugem
[...]
34:13 responderunt filii Iacob Sychem et patri
eius in dolo saevientes ob stuprum sororis
34:14 non possumus facere
quod petitis nec dare sororem nostram homini incircumciso
quod inlicitum et nefarium est apud nos
34:15 sed in hoc valebimus
foederari si esse volueritis nostri similes et
circumcidatur in vobis omne masculini sexus
34:16 tunc dabimus
et accipiemus mutuo filias nostras ac vestras et
habitabimus vobiscum erimusque
unus populus
34:17 sin autem circumcidi nolueritis
tollemus filiam nostram et recedemus
34:18 placuit oblatio eorum Emor et Sychem filio
eius
[...]
34:24 adsensi sunt omnes circumcisis cunctis maribus
34:25 et ecce die tertio quando gravissimus vulnerum dolor est
arreptis duo Iacob filii Symeon et Levi fratres Dinae gladiis ingressi
sunt urbem confidenter interfectisque omnibus masculis
34:26 Emor et Sychem pariter necaverunt tollentes
Dinam de domo Sychem sororem suam
34:27 quibus egressis inruerunt super occisos ceteri
filii Iacob et depopulati sunt urbem in ultionem
stupri
34:28 oves eorum et armenta et asinos cunctaque vastantes quae in domibus
et in agris erant
34:29 parvulos quoque et uxores eorum duxere captivas
