<< Home Page | Walter Index

Aesop's Fables: Walter of England

Fable 9. De duabus canibus.

Perry 480

De partu querulam, verborum nectare plenam,
Pro cane mota, canis suscipit ede canem.
Hec abit, illa manet; hec cursitat, illa quiescit.
Huic tamen a partu rumpitur illa quies.
Illa redit reddique sibi sub iura precatur;
Obserat hec aurem nec minus aure domum.
Plus prece posse minas putat hec, plus bella duobus.
Hec scit posse minas plus prece, bella minis.
Cum dolor hanc armet, plus matrem filius armat;
Cedit sola gregi, causaque iusta perit.
Non satis est tutum mellitis credere verbis:
Ex hoc melle solet pestis amara sequi. 


Text as published in Boldrini, Sandro. Uomini e bestie: le favole dell Aesopus latinus. Lecce: Argo, 1994.