<< Home Page | Walter Index

Aesop's Fables: Walter of England

Fable 49. De iuvene et Thaide.

Perry 555

Arte sua Thais iuvenes irretit: amorem
Fingit et ex ficto fructus amore venit.
A multis fert multa procis; ex omnibus unum
Eligit, huic veri spondet amoris opes.
"Sum tua sisque meus cupio; plus omnibus unum
Te volo, sed nolo munus habere tuum."
Percipit ille dolos et reddit qualia sumpsit:
"Sis mea simque tuus. Nos decet equus amor;
Vivere non vellem nisi mecum vivere velles:
Tu mihi sola salus, tu mihi sola quies;
Sed falli timeo, quia me tua lingua fefellit.
Preteriti ratio scire futura facit.
Vitat avis taxum quam, gustu teste, probavit.
Fallere vult hodie, si qua fefellit heri."
Thaida si quis amat, sua, non se, credat amari:
Thais amore caret, munus amantis amat.