Aesop's Fables: Walter of England
Fable 36. De mula et musca.
Perry 498
Mula rapit cursum: nam mulam mulio cogit.
Mule musca nocet vulnere sive minis:
Cur pede sopito cursum tempusque moraris?
Te premo, te pungo: pessima, curre levis.
Mula refert: Quia magna tonas vis magna videri.
Nec tua facta nocent, nec tua verba mihi,
Nec te sustineo, sed eum, quem sustinet axis,
Qui mea frena tenet, qui mea terga ferit.
Audet in audacem timidus fortique minatur
Debilis, audendi dum videt esse locum.
Text
as published in Boldrini, Sandro. Uomini e bestie: le favole
dell Aesopus latinus. Lecce: Argo, 1994. |
