Aesop's Fables: Walter of England
Fable 24. De lupo et sue.
Perry 547
Vult lupus ut pariat maturum sucula fetum,
Seque novi curam spondet habere gregis.
Sus aid: "Hac cur careas, mihi nolo ministres.
Horrent obsequium viscera nostra tuum.
I procul, ut tutos liceat mihi fundere fetus.
I procul, et pietas hec erit apta mihi.
Pro natis natura iubet timuisse parentem."
Fine dato verbis hic abit, illa parit.
Tempore non omni non omnibus omnia credas:
Qui misere credit. Creditur esse miser.
Text
as published in Boldrini, Sandro. Uomini e bestie: le favole
dell Aesopus latinus. Lecce: Argo, 1994. |