Aesop's Fables: Romuli Nilantis Fabulae Rhythmicae
Book 2.21: de venatore et lupo (p. 744 in Hervieux; Perry
22)
Venator cum canibus quondam sequebatur
Lupum, qui perterritus in fugam versatur.
Ad Bubulcum fugiens iuvamen precatur,
Adiurans illum ne per eum decipiatur.
Cui Bubulcus inquiens: Nolito timere.
Perge qua volueris caverna latere.
Si Venator coeperit gressus huc movere,
Dicam te procul hinc deserti vasta tenere.
Tunc Bubulco veniens Venator dicebat:
Lupusne comperuit? Qui sic respondebat:
In desertum transiit. Venator vertebat
Gressus, atque Lupus ad Pastorem veniebat.
Cui Pastor: Quid facies hac pro bonitate?
Manus, inquit, et lingua sint semper beatae!
Sed tui sint oculi pleni caecitate!
Cur? Quia quo latui statim sum cognitus a te.
Moralitas.
Haec explodit fabula mores perfidorum
Corde sic et oculis, quamuis labiorum
Verba foris mulceant; sed fides cunctorum
Sic est laudanda, veluti probat actus eorum.
Version in Wright's Latin
Stories:
XXI. DE VENATORE ET LUPO.
VENATOR cum canibus quondam sequebatur
Lupum, qui perterritus in fugam versatur;
Ad bubulcum fugiens juvamen
precatur,
Adjurans illum ne per eum decipiatur.
Cui bubulcus inquiens, "Nolito timere,
Perge qua volueris caverna jacere;
Si venator coeperit gressus huc movere,
Dicam te procul hinc deserti vasta tenere."
Tunc bubulco veniens venator dicebat,
"Lupusne comparuit?" qui sic respondebat,
"In desertum transiit." Venator vertebat
Gressus, atque lupus ad pastorem veniebat.
Cui pastor, "Quid facias hac pro bonitate?"
"Manus," inquit, "et lingua semper sint beatæ!
Sed tui sint oculi pleni cæcitate.
Cur? quia quo latui statim sum cognitus a te."
MORALITAS.
Hæc explodit fabula mores perfidorum
Corde sic et oculis, quamvis labiorum
Verba foris mulceant, sed fides cunctorum
Sic est laudanda, veluti probat actus eorum.
The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 714-755,
and also the readings in Thomas Wright's A
Selection of Latin Stories, from Manuscripts of the Thirteenth and Fourteenth
Centuries. London: 1842 (online).
|
