Aesop's Fables: Romuli Nilantis Fabulae Rhythmicae
Book 2.15: de lupis et grege ovium (p. 739 in Hervieux; Perry
153)
Cum Lupis grex Ovium dudum confligebat,
Et secum grex Ovium Canes perducebat.
Saeue pugnans acies utrimque manebat,
Sed tandem pacem sibi turba Lupina petebat.
Tunc miserunt nuntios pacem requirentes,
Obsides ab Ovibus Canis exposcentes
Et catellos Ovibus suos offerentes,
Ut sint pacificum foedus sine fraude tenentes.
Tunc Oves in obsides Canes tradiderunt,
Et Luporum catulos sibi receperunt.
Lupi suos obsides mox interemerunt,
Credentes quod Oves horum catulos necuerunt.
Videres mox undique Lupos accurrisse,
Dicentes ab Ovibus acem defecisse,
Et dum Lupos cerneres Oves discerpsisse,
Illico lugeres miseras sic occubuisse.
Moralitas.
Hic mortales prohibet suos amovere
Tutores, ne valeant hostes inminere,
Qui, cum nos perspexerint viribus carere,
Instant belligeri nobis sine pace nocere.
Version in Wright's Latin
Stories:
XV. DE LUPIS ET GREGE OVIUM
CUM lupis grex ovium dudum confligebat,
Et secum grex ovium canes perducebat,
Saeve pugnans acies utrimque manebat;
Sed tandem pacem sibi turba lupina petebat.
Tunc miserunt nuncios pacem requirentes,
Obsides ab ovibus canes exposcentes,
Et catellos ovibus suos offerrentes,
Ut sint pacificum foedus sine fraude tenentes.
Tunc oves in obsides canes tradiderunt,
Et luporum catulos sibi receperunt;
Lupi suos obsides mox interemerunt,
Credentes quod oves horum catulos necuerunt.
Videres mox undique lupos accurrisse,
Dicentes ab ovibus pacem defecisse;
Et dum lupos cerneres oves decerpisse,
Illico lugeres miseras sic occubuisse.
MORALITAS.
Hic mortales prohibet suos amovere
Tutores, ne valcant hostes imminere,
Qui cum nos perspexerint viribus carere,
Instant belligeri nobis sine pace nocere.
The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 714-755,
and also the readings in Thomas Wright's A
Selection of Latin Stories, from Manuscripts of the Thirteenth and Fourteenth
Centuries. London: 1842 (online).
|