<< Home Page | Rom. Nil. Rhythmicae Index

Aesop's Fables: Romuli Nilantis Fabulae Rhythmicae

Book 2.11: de accipitre et luscinia (p. 736 in Hervieux; Perry 567)

Ad silvas Accipiter     nuper veniebat,
Et nido Lusciniae     rapax accedebat,
In quo mater parvulos     pullos relinquebat,
Quod ferus Accipiter praedam sibi ferre volebat.

Institit Luscinia     fletu supplicare,
Ne vellet Accipiter     pullos asportare.
Cui dixit Accipiter:     Si vis cantitare,
Ecce tuos pullos forsan desisto necare.

Tunc timens Luscinia     notas exaltavuit,
Quam tamen Accipiter     cantantem culpavit,
Dicens quod defecerit     nec bene cantavit.
Unum de pullis rostro scindente necavit.

Post haec Auceps callidus     pedicas ponebat
Litis fisco virgulis,     et, dum veniebat,
Imprudens Accipiter     virgis inhaerebat.
Defraudans alios, propria sic fraude ruebat.

Moralitas.
Haec nos vult historia     sic humiliari
Et minus potentibus     ita conformari,
Ut de nostris valeant     actibus iuvari,
Ut eos nostro contingat posse gravari.


Version in Wright's Latin Stories:

XI. DE ANCIPITRE ET LUSCINA.

AD silvas ancipiter nuper veniebat,
Et nido lusciniæ rapax accedebat,
In quo mater parvulos pullos relinquebat,
Quos ferus ancipiter prædam sibi ferre volebat.
Institit luscinia fletu supplicare,
Ne vellet ancipiter pullos asportare,
Cui dixit ancipiter, "Si vis cantitare,
Ecce tuos pullos forsan desisto necare!"
Tunc timens luscinia notas exaltavit,
Quam tamen ancipiter cantantem culpavit,
Dicens quod defecerit, nec bene cantavit;
Unum de pullis rostro scindente necavit.
Post hæc auceps callidus pedicas ponebat,
Licis pro virgulis, et dum veniebat,
Imprudens ancipiter virgis inhærebat;
Defraudens alios propria sic fraude ruebat.
MORALITAS.
Hæc nos vult historia sic humiliari,
Et minus potentibus ita conformari,
Ut de nostris valeant actibus juvari,
Ut eos nostro contingat posse gravari.


The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 714-755, and also the readings in Thomas Wright's A Selection of Latin Stories, from Manuscripts of the Thirteenth and Fourteenth Centuries. London: 1842 (online).