<< Home Page | Rom. Nil. Metricae Index

Aesop's Fables: Romuli Nilantis Fabulae Metricae

9. de mure agresti et urbano (p. 660 in Hervieux; Perry 352)

Mendicum semper gaudentem paupere uita
Ac tremulum felicem nunc hec fabula tangit.
Hic nobis meminit discurrens fama per euum,
Quod muri urbano linquenti menia castri
Serea campestris tribuit mus hospita noctis,
Vilia somnifere reddens iam tegmina casse;
Cui glandesque nuces prestauit munera silue.
Spiciferi farris rapiens ac grana per agros,
Dulcia flumineis hausit iam pocula limphis.
Cum febus radians sparsit iam lumine cosmum,
Agricolam inuitat surgens mus, mane recepta,
Fructibus et sciferis castri adecella plena.
Tunc tremulus tendit opulentam passibus urbem.
Intrantes portam aspiciunt obtutibus (sic) unam
Centenoque domum pastu potuque refertam.
Clam fuscis celle uadunt in tecta cauernis;
Inueniunt haustu ac rastu conuiuia parta.
Incola tunc urbis pulchris hoc fatibus inquid :
Hic epulis letus semper his utere mecum.
Cum inciperent undas dulces gustare cibosque
Atque expulsa famis diris e morbida membris,
Ast capiunt timidis sonitum tunc auribus altum
Ac foribus ueniens causis cellarius assit.
Tunc timidi mures notis abduntque latebris;
Sed ruris errans querit mus antra latendi,
Incerto exanguis currens per deuia gressu,
Cum cellam retro linquens cellarius iret,
Conclusitque fores, cernentes tecta relicta
Obscurisque locis mures tunc undique currunt
Aduotas audidi limphas escasque decoras,
Ac mures mandunt ut, rostris moribus, ante.
Incola cum ruris steterat iam corpore toto
Musque tremens comptis non audens fructibus uti,
Vrbanus blandis mus tunc est fatibus orsus :
Colliga, mellifluis constans ouscere cenis,
Nilque mali timens, letus sis hoste remoto.
Tunc arui miseris narrans mus uocibus inquit :
Sed letus semper tu talibus utere cenis,
Quod solidus timeas hic ac nihil corde pauescas;
Pauper sed tuta uti per uolaria (sic) malo,
Neque timor talis terret ubi corda per euum,
Peruigil atque fuge turbat nec cura tremende.
Libertas, requies illic, pax, omnia regnant.
Miscipuli aut laqueo tu sic tenso tenearis,
Autque catus duro lacerans te dente tenebit.
Hic inopes optant parcam sic uiuere uitam.
Pomposo trepidam querant nic...........
Quos magnis felix donis futura...........