Aesop's Fables: Romuli Nilantis Fabulae Metricae
38. de aucupe (p. 705 in Hervieux; Perry
576)
Consilium sophi quisquis non cordibus aginat.
Hic spargit labro discurrens fama loquaci,
Omne genus quondam uarium quod prepetis ale,
Rite suis uerno ludens in tempore nidis,
Conspexit quendam tendentem retia lippum
Ac uiscum; uolocris inter se famine fantus :
A miserum cunctos lippum nos cernimus ante,
Quamque uias faxit prebens humilis bene nostras,
Ac semper largo nostri de corde misertus!
En illum nostra cuncti nunc mente dolemus,
Illius ex oculis currunt quod flumina crebra.
Tunc ales cunctis infert sapientior una,
Aucipis insidias cognoscens corde sagaci
Subsannansque alios mites stolidosque uolucres :
O, fugite, aligere, uentos ac scindite, turme,
Hanc patriam ac sobolem dulces uel linquite nidos;
Tendite dumosis ac densa ad predia ruscis
Ocius, ex leuibusque uolantes surgite pennis,
Fraude cito ex tali uos ac seruate nefanda;
Cernitis ast uiscum et casses aut retia queque,
Que tendit uobis nunc rite uolucribus auceps,
Illius ac melicas auditis carminis odas.
[P]lumigerum uiuens quodquod iam fraude tenebit,
Ac stigei statim ditis tunc mittet et urne;
Prepitis occisi pulpa[s] post mandet et aptas.
Atque choors auium euasit tunc limina mortis
Per sophum multis uolucrem de milibus unum.
Sic sapiens populi prudens docet agmina bardi,
Infaustam ut caueant omnem per secula causam.
The
Latin text shown here is taken from Léopold Hervieux, Les
fabulistes latins depuis le siècle d'Auguste jusqu'à la. fin
du Moyen-Age (1893-1899). Volume 2.: Phèdre
et ses anciens imitateurs directs et indirects, pp. 654-712. |