Aesop's Fables: Romuli Nilantis Fabulae Metricae
26. de vespertilione et omnibus animalibus (p. 683 in Hervieux;
Perry 566)
Fallacem curat semper uel nemo bilinguem.
Doctiloque fantus fame nunc labra uetusta.
Quadrupe quod dudum tunc pugnans omne pecultum
Horrida ferrigeri gessit iam murmura martis
Cum uario omnigene bellantis milite penne,
Cui summum tranat conscendens aera pennis.
Sic uauors turmas durus surexerit inter,
Multis mortiferam ut saucis patefecerit urnam.
Plumigeris uespertilio adstans milibus unus,
Quod bellax acies surgens durauerat atrox,
Tamdiu se fallax tenuit sub tegmine tuto,
Quamdiu mars dirus binis errabat in armis,
Ac felix sciret, parti furtuna triumphum
Qui daret ethereo regnans per secula sessu,
Vt forti demum turme tunc mixtus adesset.
Quadrupedum cernens multum sic agmina plura.
Bis binis socium plantis se milibus affert.
Censebat uirtus fuerat quod milite multo.
Sed, uolitans aquila citius ueniente repente,
Pennigeri superant cunei certamina martis,
Quadrupedumque cohors uertebat terga redacta,
Ac uarie uolocrum plebes sumsere tropheum.
Hoc iterum uespertilio hausit pectore fallens :
Hamosis agilis uertam nunc coetibus ale,
Ollis auriferam tribuit quod pugna coronam.
Prepitibus cursim pennis se miscuit illis.
Agmina bis bine plante inter pace peracta
Aera tranantem uolucrum pennisque chohortem (sic),
Tunc uespertilio est auium damnatus ab ore,
Vt semper fugeret titania sidera lucis,
Viueret ac nigro fuscantis tegmine noctis,
Atque esset nudus uolitans sic corpore semper,
Nec paruo plumas portans uel uiscere pennas.
Sic luat horrisonas semper per secula penas,
Qui procerem dominumque suum cunctosque parentes
Infaustis spernat linquens trepidisque diebus.
The
Latin text shown here is taken from Léopold Hervieux, Les
fabulistes latins depuis le siècle d'Auguste jusqu'à la. fin
du Moyen-Age (1893-1899). Volume 2.: Phèdre
et ses anciens imitateurs directs et indirects, pp. 654-712. |
