Aesop's Fables: Romuli Nilantis Fabulae Metricae
22. de cane et agno et capra (p. 677 in Hervieux; Perry
506)
Plus nati nutricem optant quam corpore matrem.
Hic priscus nostram loquitur nunc rumor in aurem :
Laniger ast agnus quidam iam ueller comptus,
Sordentes inter solus imasque capellas,
Nutritus fuerat, sugens lac de ubere capre.
Cui canis horrisonis agno sic faucibus infit :
Velligero capros inter uiolario carpis,
Nec presens tua consistit hic uera creatrix.
Sicque bidens agnus respondit fauce moloso :
Non illam bidens matrem, bis mensibus, opto,
Que, portans utero, me tunc enixa reliquit;
Sed genitrix mea inest, que(m) me nunc ubere nutrit
Ac sobolem duci propriam iam lacte coercet,
Cum limpham mihi duciferis ex fontibus haurit.
Lanigero canis est respondens fatibus orsus :
Ast tamen illa tua et genuit te ex uiscere mater.
Corniger en agnus respondens uocc(m) fatetur
Nature matrem, dicens tunc esse bidentem.
Haut secus ast infans nutricis diligit omnem,
Ac proprios alta curat non mente parentes.
The
Latin text shown here is taken from Léopold Hervieux, Les
fabulistes latins depuis le siècle d'Auguste jusqu'à la. fin
du Moyen-Age (1893-1899). Volume 2.: Phèdre
et ses anciens imitateurs directs et indirects, pp. 654-712. |
