Aesop's Fables: Romulus Anglicus
95. de mustela et homine (p. 627 in Hervieux; Perry
293).
Mustela ab Homine deprehensa, videns quod evadere non posset, sic ait
ad eum : Merito michi parcere debes et honeste tractare in ista captivitate.
Ego enim sum illa que domum tuam a molestis et inmundis muribus purgare
diligens fui. Et ait Homo : Si mei causa id fecisses, bene utique apud
me promeruisses. Sed scio quare hoc feceris : ipsa tibi hoc facto servi[i]sti.
Ad hoc nempe mures diligenter devorasti, ut reliquias nostras sola haberes
et roderes. Dixit, et miseram pelle, exspoliavit.
Moralitas. Sic malum est servire malis, a quibus male remunerantur qui
eis bene famulantur.
The
Latin text shown here is taken from Léopold Hervieux, Les
fabulistes latins depuis le siècle d'Auguste jusqu'à la.
fin du Moyen-Age (1893-1899). Volume 2.: Phèdre
et ses anciens imitateurs directs et indirects, pp. 564-652. |