Aesop's Fables: Romulus Anglicus
127. de lepore et cervo (p. 644 in Hervieux; Perry).
Lepus vidit Cervum magno corpore et erectis cornibus gloriosum, et suam
parvitatem egre ferens Iovem adiit, volens de humili sua condicione querimoniam
facere, et ait Iovi : Tibi, quia creator es et dominus, de humili sorte
mee condicionis conqueror, quia, cum cetere bestie diversis nature muneribus
sunt superbe, nichil michi collatum est, nisi pedum levitas ad fugam [h]abilis.
Rogo ergo te, creator, ut talia per te habeam cornua qualia Cervus habet.
Et exauditus est a Iove. Receptisque cornibus (h)onerata fronte, currere
nequivit, sed et repere vix potuit. Et sic plus rogaverat quam portare
posset.
Moralitas. Sic multi magnis honoribus inhyant; quibus adeptis, cum eos
gerere nesciant, viliorem (sic) fiunt quam prius fuerunt.
The
Latin text shown here is taken from Léopold Hervieux, Les
fabulistes latins depuis le siècle d'Auguste jusqu'à la.
fin du Moyen-Age (1893-1899). Volume 2.: Phèdre
et ses anciens imitateurs directs et indirects, pp. 564-652. |