Aesop's Fables and Other Parables: Odo of Cheriton
81. DE LUPO, VULPE ET ASINO.
Perry 628
Semel Lupus audiuit animalium confessionem, et cum multa ex eis fuissent
sibi magna peccata confessa, tandem Vulpes dixit, quod multas gallinas
rapuit et comedit non benedicendo, et sic de aliis. Postremo uenit Asinus,
qui confessus est et dixit: Ego subtraxi unum paruum gelima feni, quod
ceciderat cuidam de curru, et hoc feci propter famem, quam patiebar. Dixit
Lupus ad Vulpem: Tu non peccasti, quia est tibi innatum et naturale, ut
rapias gallinas; sed maledictus sit Asinus, qui alienum subtraxit! Et
sic mandauit Asinum percutere et sententiauit eum fore suspendio dignum;
sed Vulpem dimisit illesam.
The
Latin text of Odo shown here is taken from Léopold Hervieux, Les fabulistes
latins depuis le siècle d'Auguste jusqu'à la. fin du Moyen-Age (1893-1899).
There is a delightful English translation of Odo by John Jacobs, which is still
in print. It's a lovely book!
|