Aesop's Fables and Other Parables: Odo of Cheriton
25. QUI VOLPE QUI (sic) CONFITEBATUR PECCATA SUA GALLO.
Perry 597
Contra gulosos.
Vulpes semel fuit in gallinario. Superuenerunt homines cum baculis et
mi[se]rabiliter fustigauerunt Vulpem, quod uix per foramen euasit. Recessit
ut potuit, et super cumulum feni se proiecit et gemere incepit. Petiit
Capellanum quod ad eum ueniret et peccata sua audiret. Venit igitur Chantecler,
scilicet Gallus, qui est capellanus bestiarum. Aliquantulum timens mores
Reinardi, a longe sedit. Reinardus peccata sua confitebatur, et inter
cetera rostrum suum apposuit uersus capellanum. Et ait capellanus: Quare
appropinquas mihi? Et ait Reinardus: Infirmitas magna me compellit hoc
facere; parcatis mihi. Iterum dixit alia peccata, et, ore aperto, posuit
caput uersus Gallum et cepit eum et deuorauit.
Tales sunt plerique monachi subditi, layci, qui fingunt se infirmos
et debiles; semper tamen habent mentem ut capellanos et maiores suos deuorent.
 The
Latin text of Odo shown here is taken from Léopold Hervieux, Les fabulistes
latins depuis le siècle d'Auguste jusqu'à la. fin du Moyen-Age (1893-1899).
There is a delightful English translation of Odo by John Jacobs, which is still
in print. It's a lovely book!
|
