<< Home Page | Ademar Index

Aesop's Fables: Ademar

52. HOMO ET LEO
(Perry 284)

Homo et Leo, cum inter se quaererent quis eorum esset superior, et quaererent huius altercationis testimonium, uenerunt ad monumentum, ubi erat pictum quomodo ab Homine suffocabatur Leo; hanc ostendit Homo picturam in testimonium. Cui Leo : Hoc ab homine pictum est; nam si Leo pingeret, nosset quomodo suffocasset Hominem. Sed ego dabo tibi uerum testimonium. Induxit Leo Hominem in amphitheatrum, et ostendit illi uera fide quo[modo] Homo a Leone suffocatur. Hinc dixit : Colorum non sunt opus testimonia, sed ueritate facta.
Mendacium colore compositum a ueritate actorum parari, ubi estcerta probatio.

The Latin text of Ademar shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899).