<< Home Page | Ademar Index

Aesop's Fables: Ademar

50. LUPUS, PASTOR ET PERSECUTOR
(Perry 22)

Cum Persecutorem fugeret Lupus, et a Pastore esset uisus qua parte fugeret et in quo loco se celaret, timore plenus Pastorem rogabat : Oro per omnes spes tuas, ne me innues (sic); cui non se facere iurat malum. At Pastor : Esto securus; ostendam aliam partem. Venit Persecutor dicens : Peto te, uidisti hac parte uenisse Lupum? Et P[astor] : Venit,.. sed sinistra parte, (ut) et dextra parte assignat oculis Persecutori loca. Ille non intelligens abiit festinanter. Tunc Pastor Lupo ait : Quam gratiam habebo, quod te ipse celauerim? Et L[upus] : Linguae tuae gratias ago; oculis uero tuis fallacibus maximam opto caecitatem.
Bilinguiibus, et qui habent blanda uerba; et infidelis est, [qui] peccat corde.


The Latin text of Ademar shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899).