<< Home Page | Ademar Index

Aesop's Fables: Ademar

40. LUPUS, VULPIS ET PASTOR
(Perry 568)

Lupus in cubile (sic) suo per tempus, ut menses haberet, quo plures posset delitias frui, maximam congregauerat praedam. Vulpis ut haec agnouit, uenit ad eius cubile; tremula inquit uoce : Recte non uidi te; tristis fui per dies, quia non peragrauisti in iis. Lupus liuore ait : Non de me sollicita uenisti, sed ut aliquid accipias; non gratis uenisti : scio te fraudem petere. His uerbis ualde irata, Vupl[is] Pastorem ouium adiit, et dixit illi : Ageres mihi gratias, si tibi inimicum gregis tui hodie tradidero, et iam non sis sollicitus? Pastor : Seruiam tibi, et tribuam quicquid uolueris. Illico clausam ostendit Lupum, quem protinus lancea peremit, et aemulam de alieno saturauit Vulpem. Deinde ipsa, cum in uenatores incideret comprehensa, a canibus laniata ait : Modo maiora feci mala, et modo pereo, qui (sic) alterum feci occidere.
Qui aliis nocet , timeat ne noceatur ab altero.


The Latin text of Ademar shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899).